Washington, DC [US] Lber 14: Ka tnat kam bar ri jong ka ri America ka la pynbna ban ai khusnam haduh USD 10 million na ka bynta ki nongsyntiat kiba lah ban ialam sha u nongialam ba ha khlieh duh ba thymmai jong ka Iran, u Mojtaba Khamenei, ryngkat bad ki katto katne kiwei pat ki heh ophisar jong ka Iran.
Kane ka sienjam ha ka sngi palei ka long hadien ka jingjur jong ki jingïaleh pyrshah ha ka thaiñ hadien ba ki jinghiar thma ba ïatreilang hapdeng ka US bad Israel ki la thmu ïa ki jaka buh shipai jong ka Iran, kiba la ïakynduh da ki jinghiar thma da ki namding bad ki drone ba pynshitom beiñ ha kylleng ka Middle East ha ka 28 tarik u February.
Ia kane ka jingai jingkyrshan la pynlong lyngba ka jingthmu jong ka Tnad Sorkar Jylla “Ki Khusnam na ka bynta ka Hok". Kane ka prokram ka ai jingsiew pisa na ka bynta ki jingtip kiba iarap ban wad ne pynngat ha ka ain ia ki briew kiba la suba ba ki donkti ha ki kam lehnoh ba la thmu sha ka ri America.
Nalor u Khamenei, ka thup ba la pynthymmai jong ka prokram ka kynthup ïa u myntri kam pohïing jong ka Iran bad u myntri kam syntiat bad pahara.
Ha ka jingpynbna ha ka social media, ka Rewards for Justice ka la ong, “Phi la ïoh jingtip shaphang kine ki nongïalam lehnoh jong ka Iran? Phah ïa ka jingtip sha ngi. Ka lah ban pynlong ïa phi ban ïoh ïa ka khusnam bad ka jingpynkynriah jaka.”
Ha kajuh ka por, U President jong ka US, U Donald Trump, u la kam ba ka sorkar Iran, ka la jan ban pyndem” ha khmat ka jingeh kaba dang ïai bteng ha ka Middle East.
Katkum ka Axios, kaba la kdew ïa ki heh sorkar na ki ri G7, u President u la kren ïa kine ki kyntien ha ka jingïalang virtual bad ki nongïalam ka pyrthei ha ka sngi thohdieng. Ha ka jingïakren jong ka kynhun jong ki hynriew ngut ha kaba ïadei bad ki jingmih na ka jingtreikam “Epic Fury,” la ïathuh ba u Trump u la ïathuh ha ki paralok ba u la “pyllait na ka jingpang cancer kaba la byrngem ïa ngi baroh.”
Katba ka jingïakynad ha ka thaiñ ka dang rung ha ka taiew kaba ar jong ka da ki jingïakylliang jong ki drone bad ki namding, u President ka US u la pynlong ïa ka jingthombor kaba jur ïa ki nongïalam jong ka Tehran, da kaba ai kyrteng ïa ki kum ki “riew sniew kiba la sngewthuh bakla.”
U la kynthoh shuh shuh ba ka dei ka “burom kaba khraw" jong u ban pynduh jait ia ki. Haba iakren halor ka jingiakhih shipai kaba jur pyrshah ia ka Iran, u President u la pynskhem ba ka Washington ka pynlong ia ki kam ban “pynduh ia ka jingsynshar lehnoh jong ka Iran" lyngba ki lad shipai.
Naka bynta ki khubor phah
Contact: 9612925466
Email: lyngkhoiborning@gmail.com
Thank you for reading this post.
No comments:
Post a Comment