Ka Iran ka buh 3 tylli ki kyndon ban ‘pynkut noh ia ka thma’ bad ka US bad ka Israel.
Haba batai ia ki lai tylli ki kyndon, u la ong ba tang kawei ka lad ban pynkut noh ia ka thma kaba la "pynbthei da ka sorkar Zionist & US" ka long: 1) da kaba ithuh ia ka hok ba dei hok jong ka Iran 2) ka jingsiew ia ki jingsiew bai lutksan, bad 3) ki jingkular ba skhem jong ka pyrthei pyrshah ia ka jingleh donbor ha ka lawei. hynrei da kaba pynpaw ba ki shipai America kin sahkut haduh ban da dep pura ia ka kam.
Ka thma kaba la mih hadien ba ka US bad ka Israel ki la hiar thma lang ïa ka Iran ha ka 28 tarik u February haduh mynta ka la ïohi ïa ki jinghiar thma kiba jur bad ki jinghiar thma pyrshah, ha kaba ki la don kumba 1,200 ngut kiba ïap.
Ki jingshah thombor ha ki jhad kit umphniang ha Iran bad ka jingkhang ïa ka duriaw Hormuz ka la ktah ïa ka jingpynpoi umphniang bad ka la pynkiew dor ïa ka umphniang ha kylleng ka pyrthei.
Da ka jingduna umphniang, ka jingwanrah umphniang jong ka India na Russia ka la kiew bha ha ki 11 sngi ba nyngkong jong u bnai Risaw, katkum ki tyllong khubor na ka khaii pateng bad ki jingtip jong ki lieng kit umphniang.
Haba bishar bniah ia ki jingpynrung, u nongthoh khubor jong ka Express, u Sukalp Sharma, u la iathuh ba shuwa ba ka jingialeh ha West Asia kan sdang ha ka 28 tarik u February, la khmih lynti ba ka jingwanrah umphniang jong ka Delhi na Moscow kan long kumba 800,000 barel ha ka shisngi (bpd) haduh 1 million bpd. Da ka jingïakynad kaba la pynsangeh bha ïa ka leit ka wan ha duriaw lyngba ka Strait of Hormuz, ka jingwanrah umphniang na Russia ka la kiew sha ka 1.5 million bpd ha ki 11 sngi ba nyngkong jong u bnai, katkum ka jingbuddien ïa ki lieng na ka kompeni peit bniah ïa ka iew jong ki marbam
Naka bynta ki khubor phah
Contact: 9612925466
Email: lyngkhoiborning@gmail.com
Thank you for reading this post.
No comments:
Post a Comment