U Mohammad Ali Jafari U Nongpyrkhat Ha lyndet jong ka Buit Iada Ri jong ka Iran U la Pynkylla ïa ki jingthmu jong ka US bad ka Israel sha ka ‘Ka kam bym lah ban leh’.
ka iran ka la bteng ban pynshitom beiñ watla ka America ka la pynduh noh ïa ki katto katne ngut ki nongïalam ba rangbah jong ka Iran ha ka por ba sdang ïa ka jingshah thombor kaba nyngkong.
Kawei na ki daw jong kane ka jingpyrshah ka dei ka Mosaic Defence Doctrine, kaba la thaw da u nongialam barim jong ka Islamic Revolutionary Guard Corps (IRGC) u Major General Mohammad Ali Jafari.
Ka jinghikai ïada jong ka Mosaic ka dei ka buit shipai, kaba la shna khnang ban pynthikna ba ka rukom ïada jong ka Iran kan lah ban bteng ban treikam wat lada ki nongïalam ba ha khlieh duh jong ka ne ki kynhun synshar pdeng jong ka ki shah thombor. U Jafari u la pynmih ia kane ka jinghikai hadien ba u la pule ia ka jinghiar thma jong ka US ia ka Iraq ha u snem 2003. Ha ka thma jong u snem 2003, ki shipai US ki la lah ban pynpra ia ki shipai Iraq tang hapoh 26 sngi jong ka jingtrei. Da kaba shim ia ki jingthoh na ka jinghiar jong ka Iraq, ka Iran ka la pynbeit thymmai ia ki shipai jong ka sha ki kynhun kiba kham rit, kiba la pyniaid da ki bor bapher bapher kiba lah ban treikam laitluid. Katkum kane ka jingpynbeit,Ki nongialam shnong ki iai bteng ban ialeh wat lada ka jinglong nongialam pdeng ka shah pynthut ne shah pynduh noh.
Uei U Mohammad Ali Jafari?
U Mohammad Ali Jafari u dei uba la ai burom ba u la wanrah ia ka jinghikai jong ka "mosaic defence" lane "asymmetric warfare" ha ka buit shipai jong ka Iran. U Jafari, uba la kha ha ka 1tarik Naiwieng 1957, u dei u ophisar shipai barim jong ka Iran, uba la shakri kum u nongialam ba ha khlieh duh jong ka IRGC, naduh u snem 2007 haduh u snem 2019. U nongialam ba ha khlieh duh barim, U Ali Khamenei, ula thung ia U Jafari, na ka bynta katei ka kyrdan kaba ha khlieh duh. Ha ka jaka jong u la bujli da u Hossein Salami ha u snem 2019..
U la sdang ia ka kam shipai jong u bad ka kynhun shipai Basij ha kaba sdang jong ka thma Iran bad Iraq. U Jafari u la pyniasoh bad ka kynhun shipai pahara ha ka snem 1981. U la leh ia ki bynta ba kongsan ha ki kam kum ka Susangerd, u la synshar ia ka kynhun shipai Ashura, bad u la ialam ia ki kynhun shipai ha Qods bad Najaf.
Shaphang ka jinghikai iada jong u Mosaic
Ka jinghikai, kaba la pynlong ain ha u snem 2005, hapoh u Jafari ka la pynlong ia ka jingpynbeit thymmai ia ka IRCS sha ki 31 tylli ki kynhun shipai jong ki jylla, ha kaba kawei pa kawei ka kynhun ka treikam kum ka kynhun shipai kaba la pyniaid hi dalade bad la ki jong ki tiar, ki jingtip, bad ki rukom synshar. Ka jinghikai ka shong ruh ha ki kynhun ba la kyrshan da ka Iran, kiba la tip lang kum ka "Axis jong ka jingpyrshah" ha ka madan thma.
Dei kane ka jinghikai, kaba la pynwandur da u Jafari, ba ka Iran ka la iai bteng ban ialeh wat hapdeng ki jingshah pynphaidien kiba khraw. Ki shipai jong ka US bad Israel ki la pynlong ia ka "Operation Epic Fury", ka jingialeh shipai pyrshah ia ka Iran ha ka 28 tarik u February. U Mousavi, bad katto katne ngut kiwei pat ki nongialam ba rangbah ki la shah pyniap.
U myntri kam bar ri jong ka Iran, u Seyed Abbas Araghchi, u la iaroh ruh ia kane ka buit ha ka por jong ka thma, da kaba ong ba ka jingbthei bom ia ka Tehran kan nym pynduh ia ka jinglah jong ka ban pyniaid ia ka thma. U la thoh ha ka X, "Ngi la don arphew snem ban pule ia ki jingshah rem jong ki shipai U.S. sha ka mihngi bad sepngi jong ngi. Ngi la pynrung ia ki jinghikai katkum kata. Ki jingbthei bom ha ka nongbah jong ngi kim don jingktah ei ei ia ka jinglah jong ngi ban pynlong ia ka thma. Ka jingiada Mosaic kaba la pyniaid da ka bor synshar ka pynlah ia ngi ban rai kumno ngin ialeh."
Naka bynta ki khubor phah
Contact: 9612925466
Email: lyngkhoiborning@gmail.com
Thank you for reading this post.
No comments:
Post a Comment