BYRNGEM THANG KA IRAN IAKA UMPHNIANG BAD GAS HA MEDDLE EAST

Ka Iran ka pynmih ia ka jingmaham kaba tyngeh ia ka US bad ka Israel, ka ong, ‘Ngin thang ia ka umphniang bad ka gas jong ka Middle East lada jia ba.’, byrngem ka IRGC ban pynshitom bein kaba jur

Ki shipai jong ka Iran ki la maham ba ki lah ban thombor ïa ki jaka pynmih umphniang bad gas ha kylleng ki jaka jong ka Middle East lada ki jaka pynmih bor ding jong ka hi kin shah thombor ha ka por ba dang ïaid shakhmat ha ka jingïakynad kaba kynthup ïa ka America bad ka Israel.

Kane ka jingmaham ka la wan na ka kynhun shipai Islamic Revolutionary Guard Corps (IRGC), kaba la ong ba kano kano ka jinghiar thma ha ki jaka pynmih bor ding jong ka Iran kan wanrah ïa ka jingkynthoh kaba jur bad kaba pynjot. Ha ka kyrwoh ba la pynmih da ki lad pathai khubor sorkar jong ka Iran, u nongaiktien na ka Khatam al-Anbiya Central Headquarter u la ong ba wat tang ka jinghiar thma kaba rit eh ha ki kad liengsuiñ lane ki jaka buh umphniang bad gas jong ka Iran kan wanrah ïa ka jingpynshitom beiñ kaba jur bha.

U nongaiktien u la maham ba kano kano ka ri kaba donkti ha kum kane ka jingshah thombor ka dei ban khmih lynti ia ka "jingkynthoh kaba shyrkhei bad kaba pynjot". Ka Iran ka la ong ruh ba ka jingleh pynrem kan ym long tang ha la ka jong ka jaka.

Hato lah ban shah thmu ia ki jingtei umphniang bad gas ha kylleng ka thain?

Ka Iran ka la maham ba lada ki lad pynmih bor ding jong ka ki shah thombor, ka lah ban thombor ïa ki jaka pynmih umphniang bad gas ha kylleng ka Middle East kiba ïadei bad ka America bad ki paralok jong ka na ri Sepngi. Katkum ka kyrwoh, kine ki jaka ki lah ban shah thang bad shah pynjot. Kane ka jingmaham ka wan ha ka por ba ka jingïakynad ka dang ïai bteng ban kiew hapdeng ka Iran, ka US bad ka Israel ha ka por ba ka jingïakynad ka nang jur ha kane ka thaiñ.

Katno tylli ki thong ba ka US ka la hiar thma ha Iran?

Kat kum ka jingkheiñ jong ka United States Central Command, ki shipai jong ka America ki la siat ïa palat 5,500 tylli ki target hapoh jong ka Iran naduh ba la sdang ka thma. Kine ki jingshah thombor la iathuh ba ki kynthup ia ka jingshah thombor ha palat 60 tylli ki lieng. Ka jingialeh ka la pynlong ia ki jingleh shipai kiba bun jait bad ka jingtieng kaba nang jur ia ka jingbymsuk kaba kham heh ha ka thain.

U Ali Larijani, uba dei u secretary jong ka Supreme National Security Council jong ka Iran, u la maham ba ki jinghiar thma ïa ki lad pynroi bor ding jong ka Iran, ki lah ban wanrah ïa ka jingthut kaba khraw ha kylleng ka thaiñ. Ha ka jingthoh ha ka X, u la ong ba ka thain baroh kawei ka lah ban mad ia ka jingduh bording hapoh 30 minit lada ki kor bording jong ka Iran ki shah thombor. U la maham ruh ba kum kane ka jingkulmar ka lah ban pynlong ïa ki shipai US kiba rit paid.

U Larijani u la bynrap ba watla ka jingsdang ia ka thma ka lah ban long kaba suk, hynrei ym lah ban jop ia ka lyngba ki khubor social media, bad ka Iran kan bteng ia ka jingkynthoh jong ka haduh ba ki nongshun jong ka kin sngewsih ia ki jingleh jong ki.

Kumno U Donald Trump U Leh Ia Ka Jinglong Shipai Ka Iran?

U Donald Trump, u ong ba ki shipai jong ka US, ki la pynjulor shibun ia ka bor shipai jong ka Iran, ha ka por jong katei ka jingialeh. Haba kren sha ki nongthoh khubor ha Maryland, u la kam ba ka Iran ka la duh shibun ki tiar iada suin, ki shipai suin bad ki tiar iada suin jong ka. Kane ka jingkren jong u ka la wan ha ka por ba ka thma kaba la sdang naduh ka 28 tarik u February ka la nang jur bha.

Kaei Kaba Ki Nongïalam Ka Iran Ki La Ong Shaphang Ka jingïatylli bad ka Buit treikam?

U Nongïalam ba hakhlieh duh ba thymmai jong ka Iran, u Mojtaba Khamenei, ula khot ïa ka jingïatylli jong ka jaitbynriew, katba ka jingïakynad ka nang jur. U la ong ruh ba ka Iran kan khang ïa ka Strait of Hormuz ban buh jingeh ïa ki nongshun jong ka. Kane ka duriaw ka dei kawei na ki lynti kit lieng kaba kongsan tam ha ka pyrthei na ka bynta ka umphniang bad ka khaii pateng ha ka pyrthei. U Deputy Foreign Minister ka Iran, U Majid Takht-Ravanchi, u la ong ba ka jingthmu ba hakhmat eh jong ka ri ka long ban khanglad ba kum kine ki thma kin nym pynbor biang ia ka Iran.

U la ong ba ka Iran ka la dep maham ia ki ri ba marjan ba lada ka US ka iasnohkti lang ha ki jinghiar thma pyrshah ia ka Iran, ki ktem bad ki marpoh khyndew jong ka America ha katei ka thain kin kylla long ki thong kiba dei hok.

Kumno Ka Thma Ba Mynta Ka Sdang?

Ka jingialeh kaba mynta ka la sdang naduh ka 28 tarik u February ha kaba ka America bad ka Israel ki la hiar thma ia ka Iran. La iathuh ba kitei ki jinghiar thma, ki la pyniap ia u nongialam ba hakhlieh duh jong ka Iran, U Ali Khamenei bad ki la pynmih ruh ia ka jing ia kynad kaba kham heh ha kylleng katei ka thain.