Nga La Iap...Na Ka Bynta Ka Kophi’: U Netanyahu U Leit Sha Ka Cafe Hapdeng Ki Jingkynthoh Shaphang Ka Jingiap Jong U, U Pyni Ba U Don 5 Tylli Ki Kti
Jerusalem: Sunday 15 March (Israel) U Benjamin Netanyahu, myntri rangbah duh jong ka Israel, u la pynduh pyndam ia ki jingkynthoh ba la saphriang halor ka jingiap jong u, da kaba pyni ia ka video jong u, ba u leit jngoh ia kawei ka cafe, ha ka Sngi U Blei.
Ryngkat bad ka video jong ka jingleit jong u sha ka cafe, u PM u la thoh ha ka twitter, "Ki ong ba nga dei kaei? Peit." Ka video, kaba la paw stet bha, ka pyni ia u Netanyahu, ba u shongthait bad pynshongthait ha katei ka cafe, da kaba rkhie bein ia ki jingkynnoh kiba la saphriang shaphang jong u, shwa ban pynrem ia ki.
Da kaba kren sngewbha ia ki khubor lamler, u la ong, “Nga la iap na ka bynta ka kophi.”
Ki khubor shaphang ka jingïap jong u ki la ïoh lyer hadien ba ki nongthoh khubor ki la kynnoh ba ka jingmih ha ka telebishon dang shen jong u PM Israel ka dei ka jingpynlong thok kaba la pynmih da ka AI. Ki nongthoh khubor ki la kam ba katei ka video jong ka AI ka dei kaba la thmu ban buhrieh ia ka ‘jingshisha’ ba u Netanyahu u la shah pyniap. Ban kyrshan ia ka jingong jong ki, ki la kam ba ha ki katto katne ki frame u Netanyahu u paw ba u don hynriew tylli ki kti.
Ha ka video kaba lyngkot, u myntri rangbah u la ong, "Nga la iap na ka bynta ka kophi....."
Kham mynshwa, ka ophis jong u myntri rangbah duh, ka la her stet ia kine ki khubor, kum ki khubor lamler, da kaba iathuh ha ka tnad pathai khubor jong ka Turkey, ka Anadolu Ajansı, ba “U Myntri Rangbah, u bha.” Ka la don ruh ka jingkheiñ ba ïa ka tweet na ka account jong u Netanyahu, kaba pynthikna ïa ka jingshngaiñ jong u, la pyndam noh, hynrei ki fact-checkers bad ka AI chatbot Grok, ki la pynthikna ba kam shym la don satia kum kata ka jingpyndam. Tang kawei ka jingthoh kaba dang shen ha ka account ka dei kaba ïadei bad ka jingïada jong ka ri .
Ka jingpynbna jong ka Konsil.
U Grok, u AI chatbot jong u X, u la pynshai ba ka kti ba la pyndap, ka dei ka jingpynbyrngia bad kam dei ka sakhi jong ka video ba la pynkylla. Ka la pynrem ruh ïa ki jingkynnoh kiba la saphriang ha ki social media bad ha ki lad pathai khubor jong ka Iran ba u Netanyahu u la khlad noh.
Ki khubor hamsaïa ki la nang jur shuh shuh haba u khun jong u Netanyahu, u Yair Netanyahu, um shym la post shuh ha X la katto katne sngi. Katba ka jingbymtreikam jong u ka la pynlong ïa ki katto katne ban ai jingmut ba ka dei ka jingjia ba sngewsih ha ka longïing, ym don sakhi kaba pyniadei ïa ka jingbymdon jong u bad kano kano ka jingma ïa u Myntri Rangbahduh. Ka ophis jong u PM ka Israel, ka la pynthikna biang ba u Netanyahu, u don ha ka jingshngain bad u dang bteng ia ki kamram jongu.
Ki shipai pahara jong ka Iran ki byrngem ban ‘beh bad pyniap’ ïa u Netanyahu
La iathuh ba ki shipai Islamic Revolutionary Guard Corps jong ka Iran, ki la pynmih ia ka jingmaham kaba tyngeh pyrshah ia U Benjamin Netanyahu, myntri rangbah duh jong ka Israel. Ha ka jingpynbna ha ka tnat khubor ba pura jong ka, ki Guards ki la batai ia u Netanyahu kum u “nongleh kam sniew uba pyniap khynnah” bad ki la ong ba lada u dang im, kin “bteng ban bud bad pyniap ïa u da ka bor ba pura.”
Kane ka jingsawa ha ki social media ka wan hapdeng ka thma kaba dang ïaid shakhmat hapdeng ka US-Israel bad ka Iran, kaba la sdang na ka jinghiar thma lang jong ka US bad ka Israel ha Iran, kaba la wanrah ïa ka jingïap jong u nongïalam ba ha khlieh duh jong ka Ri u Ayatollah Ali Khamenei. Ka Iran ka la siew kylliang da kaba thombor ïa ki ktem jong ka US bad hiar thma ïa ki nongbah ba kynthup ïa ka Tel Aviv bad ki jaka ba ïadei bad ka US ha kylleng ka Middle East, kynthup ïa ka UAE, Saudi Arabia, Qatar, bad Kuwait.
Watla u president jong ka US, u Donald Trump, u la kam ba ka Iran, ka la shah pynjot lut bad ai jingmut ba ka thma, ka la jan kut, hynrei ki jingïaleh pyrshah, ki dang ïai bteng ha kylleng ka thaiñ, kaba pynlong ïa ka jingïakynad, ban jur bha.
Naka bynta ki khubor phah
Contact: 9612925466
Email: lyngkhoiborning@gmail.com
Thank you for reading this post.
No comments:
Post a Comment